Emigratët shqiptarë duke nisur nga dita e sotme, 11 Maj, kanë mundësinë të regjistrohen për të votuar në zgjedhjet parlamentare të 11 maj. Janë zgjedhjet e para në vend, ku diasporës i jepet mundësia për të hedhur votën e tyre.
Mësohet se deri më tani kanë aplikuar në Platformën Elektronike të Regjistrimit (PER) 397 shtetas shqiptarë për të marrë pjesë në zgjedhjet parlamentare.
Kryekomisioneri Shtetëror i Zgjedhjeve Ilirjan Celibashi gjatë një konference për mediet ka dhënë detaje në lidhje me regjistrimin e votuesve nga jashtë, ku tha se deri tani janë 397 kërkesa të paraqitura.
Celibashi tha se kërkesat janë ndarë sipas shteteve, ndër të cilat kryeson Italia me 97 kërkesa, më pas Gjermania me 81 kërkesa, Mbretëria e Bashkuar me 51 kërkesa, 36 kërkesa nga Greqia, 23 nga SHBA, si dhe nga shtete të tjera nga e gjithë bota.
82 përqind e aplikuesve janë meshkuj, dhe vetëm 18 përqind e kërkesave janë nga votuese femra.
Votat e emigrantëve do të shkojnë në qarqet ku kanë edhe regjistrimin e gjendjes civile. Sipas përditësimit më të fundit të të dhënave, shumica e aplikimeve janë bërë për qarkun e Tiranës dhe Durrësit.
Discussion about this post