Kristian Asllani luajti titullar sot kundër Venecias, ndërsa Interi fitoi 0 me 1 në javën e 20-të të Seria A. Mesfushori i Kombëtares zëvendësoi si duhet Çalhanoglun e dëmtuar.
Asllani luajti për 63 minuta dhe dhe në sy prej tij saktësia thuajse “kirurgjikale” në pasime. Kjo pasi 59 nga 62 të tentuara ishin të sakta.
Po ashtu dhe 7 nga 8 topa të gjatë që nisi, ishin të sakta. Më tej pati dhe 1 pasim kyç gjatë ndeshjes, ndërsa 1 herë goditi në portë nga 4 tentativa.
Asllani fitoi 3 nga 6 duelet që pati. Kështu vendosja e tij para mbrojtjes shkoi si duhet, ndërsa Interi nuk pësoi gol.
Asllani flet për kritikat pas humbjes me Milanin
Pas ndeshjes për DAZN mesfushori i Kombëtares tha se është mësuar me kritikat dhe ato e motivojnë.
“Jam mësuar me këtë, ata shkruajnë shumë për mua. Por tani kam mësuar, kam fshirë të gjitha rrjetet sociale dhe jam i lumtur kështu. Kam djem rreth meje që besojnë te unë.
Shumë kritika? Për mendimin tim, po, por është më mirë që ata të më kritikojnë sepse më karikojnë. Kam afër njerëz që më duan. Rëndësi sot kishin vetëm tri pikët”, tha Asllani për DAZN.
Humbja me përmbysje e Interit 3-2 kundër Milanit në finalen e Superkupës së Italisë solli shumë kritika për Asllanin, i cili hoqi dorë nga rrjetet sociale.
Discussion about this post