Barcelona fiton Superkupën e Spanjës, disfatë e hidhur për Real Madrid

Barcelona fitoi Superkupën e Spanjës, pasi mposhti Realin e Madridit në finale, me rezultatin e thellë 5-2.

Triumf me dominim nga skuadra katalanase, që përveç trofeut, regjistron edhe suksesin e dytë sezonal në “El Clasico”.

Madrilenët e nisën mirë ndeshjen, duke kaluar të parët në avantazh me Mbappe në minutën e 5-të.

Megjithatë festa zgjati pak për ekipin e Ancelotti-t, pasi Lamine Yamal vendosi baraspeshën në minutën e 22-të.

Lewandowski përmbysi rezultatin në minutën e 35-të, duke shënuar me penallti, ndërsa 4 minuta më vonë, Raphinha realizoi të tretin për Barcelonën.

Spektakli i kalanasve nuk kishte përfunduar këtu sepse para fundit të pjesës së parë, Balde realizoi edhe të katërtin.

Fraksioni i dytë nisi aty ku u mbyll i pari. Raphinha kompletoi dopietën personale në minutën e 48-të, duke çuar shifrat në 5-1 për Barcelonën.

Reali ngushtoi diferencat me Rodrygon në minutën e 60-të. Sulmuesi shënoi nga një faull, prej të cilit Sczesny u ndëshkua me të kuq dhe la katalanasit me 10 lojtarë.

Rezultati nuk ndryshoi deri në fund, duke bërë që të shpërthejë festa te Barcelona, me trajnerin Flick që fiton kështu trofeun e parë sezonal.