Një masakër mjedisore është denoncuar nga disa banorë që jetojnë pranë Liqenit të Farkes në Tiranës. Sipas banorëve firma “Al Point”, me pronar Aleksander Vasili, i cili është dhëndri i ish-ministrit të Brendshëm, Kujtim Qefalia po punon per ndërtimin e një kompleksi vilash pranë liqenit.
Por këto ndërhyrje pa kriter janë kthyer në ferr për banorët, ku përveç zhurmave orar pa orar dhe ndotjes së madhe, toka ka pësuar rrëshqitje duke shënuar shëmbjen e rrugës dhe dëmtimin e banesave të zonës për rreth.
Rrëshqitja është masive duke shënuar një dëmtim katasrofal të mjedisit dhe zonës për rreth. Banorët e zonës të shqetësuar u shprehën se punimet janë bërë natën dhe pa asnjë lloj kriteri, asnjë tabelë informuese. Sipas tyre fadromat kanë mberritur natën dhe kanë nisur punen duke terrorizuar vendin dhe shkatërruar gjithçka sheh.
Discussion about this post