Valbona, Bernardi, Livia, Xumi, Klajdi dhe Gerta janë gjashtë banorët që u votuan më shumë nga pjesa e tjetër e shtëpisë, për të qenë në televotim kësaj radhe. Por ky televotim është anuluar dhe “Vëlla i madh” ka marrë masa ndëshkuese për banorët e shtëpisë më të famshme në Shqipëri pas disa rasteve bullizuese.
“Për shkak të sjelljeve bullizuese, denigruese dhe të patolerueshme, Vëllai i Madh njofton se ka vendosur të anulojë televotimin aktual. Në show-n e së martës, do të komunikohen masat ndëshkuese që Vëllai i Madh ka ndërmarrë”, thuhet në njoftim.
Zarfi i zi ka hyrë në shtëpi, por se për kë bëhet fjalë do të presim deri të martën në prime
Kujtojmë se një ditë më parë ka patur debate të ashpra mes banorëve.
Mbrëmë Gjesti ka vazhduar të përballet me situata të tensionuara në shtëpi. Ai ka pasur një konflikt të fortë me Jozin dhe G-Banin, me këtë të fundit që e ka pritur menjëherë që në hyrje të shtëpisë. Në një moment të nxehtë, G-Bani ka përmendur edhe anëtarët e familjes së Gjestit, duke i përmendur emrat e nënës dhe motrës së tij, duke shtuar edhe më shumë tension në situatën.
Megjithatë, Gjesti ka reaguar me qetësi ndaj ofendimeve, edhe pasi Jozi i ka hedhur ujë mbi kokë, duke intensifikuar edhe më tej përplasjen.
Më pas, G-Bani e ka ndjekur dhe janë “përplasur” kokën më kokë, duke bërë që tensioni të arrinte nivele të reja.
Debate në shtëpi kanë patur dje edhe Livia me Amber, ku është përdorur një fjalor aspak i këndshëm si “zhgarravinë, pornografike”.
Discussion about this post