Aksident në Lushnje/ Makina përfundon në kanal, 3 të plagosur

Një aksident rrugor është shënuar sot në fshatin Bubullimë të Lushnjës. Një makinë tip VW Turan ka dalë nga rruga dhe ka përfunduar në kanalin anësor.

Si pasojë e aksidentit ka mbetur i plagosur shoferi, 40 vjeç dhe dy pasagjerë, të cilët raportohet se ndodhen në spital jashtë rrezikut për jetën.

Sipas hetimeve paraprake dyshohet se një automjet tip Fuoristradë me targa të huaja i ka ngushtuar rrugën makinës VW Turan teksa po tentonte parakalonte, ç’ka ka sjellë më pas aksidentin.

Policia ndodhet në vendgjarje për zbardhjen e plotë të rrethanave.