Dy mjete të tonazhit të rëndë janë përplasur mëngjesin e sotëm në autostradën Tiranë-Durrës në Maminas.
Përplasja e tyre ka qenë e fuqishme dhe njeri prej tyre ka dëmtuar trafikndarësen duke dalë në krahun tjetër të lëvizjes.
Kjo ngjarje rrugore ka shkaktuar bllokim të qarkullimit në autostradë.
Nga përplasja e fortë, në rrugë është përhapur një sasi e konsiderueshme karburanti, e për këtë, policia ka devijuar lëvizjen e mjeteve në njërën anë të autostradës.
Policia që ka shkuar në vendin e ngjarjes ka bërë të mundur lëvizjen në njërën anë të rrugës, ndërsa po pastrohet nga karburanti i derdhur karrexhata dhe kthimi në normalitet i qarkullimit rrugor.
Nuk dihet ende shkaku i përplasjes së dy mjeteve të rënda.
Discussion about this post