Pak pas betimit të presidentit të SHBA-së Donald Trump liderët botëror kanë shprehur urimet e tyre për presidentin e 47 të vendit më të fuqishëm në botë.
Kujtojmë se disa liderë të rëndësishëm ndërkombëtar, ndryshe nga herë të tjeranuk ishin të ftuar në ceremoninë, megjithatë ata kanë shkruar urimet e tyre për presidentin Trump.
Liderë të paftuar ishin:
Keir Starmer, kryeministri i Mbretërisë së Bashkuar.
“Në emër të Mbretërisë së Bashkuar, i dërgoj urimet më të ngrohta Presidentit@realDonaldTrump në inaugurimin e tij si presidenti i dyzet e shtatë i Shteteve të Bashkuara. Marrëdhëniet speciale midis MB dhe SHBA do të vazhdojnë të lulëzojnë për vitet në vijim”, shkruan kryeministri i MB në platformën X.
Ursula von der Leyen, kryetarja e Komisionit Europian.
“BE pret të punojë ngushtë me ju për të trajtuar sfidat globale. Së bashku, shoqëritë tona mund të arrijnë prosperitet më të madh dhe të forcojnë sigurinë e tyre të përbashkët. Kjo është forca e qëndrueshme e partneritetit transatlantik”, shkruan der Leyen në platformën X
Olaf Scholz, presidenti i Gjermanisë, nuk ishte i pranishëm, ndërkohë që Alice Weidel, udhëheqëse e partisë së ekstremit të djathtë “Alternativa për Gjermaninë”, ishte e ftuar. Kancelari gjerman Olaf Scholz e uroi presidentin Trump duke thënë:
“Sot Presidenti Donald Trump merr detyrën. Urime! SHBA është aleati ynë më i ngushtë dhe qëllimi i politikës sonë është gjithmonë një marrëdhënie e mirë transatlantike. BE, me 27 anëtarë dhe më shumë se 400 milionë njerëz, është një bashkim i fortë”.
Emmanuel Macron, president i Francës. Ky i fundit ende nuk ka bërë një urim për nisjen e mandatit të ri presidencial të Donald Trump.
Gjithashtu liderë të tjerë të politikës botërore i kanë shprehur urimet e tyre presidentit të 47 të SHBA-ve:
“Urime Donald Trump për inaugurimin tuaj si presidenti i 47-të i Shteteve të Bashkuara. Ne mezi presim të punojmë me administratën e re amerikane për të forcuar marrëdhëniet strategjike midis vendeve tona dhe për të adresuar sfidat e përbashkëta globale”,Kryeministri spanjoll Pedro Sanchez.
“Shtetet e Bashkuara janë një mik i madh i Australisë. Aleanca jonë nuk ka qenë kurrë më e fortë. Mezi pres të punoj me ju për mundësitë dhe sfidat përpara”,Kryeministri australian Anthony Albanese.
“Urime, President Trump. Kanadaja dhe SHBA-ja kanë partneritetin ekonomik më të suksesshëm në botë. Ne kemi mundësinë të punojmë përsëri së bashku – për të krijuar më shumë vende pune dhe prosperitet për të dy kombet tona”,Kryeministri indian Narendra Modi.
“Gjatë viteve, dy vendet tona të mëdha kanë punuar së bashku ngushtë për të ndjekur paqen dhe prosperitetin në rajon dhe më gjerë për popujt tanë dhe ne do të vazhdojmë ta bëjmë këtë në të ardhmen. Urimet e mia më të mira për Presidentin Trump për një mandat të dytë të suksesshëm në detyrë”,-Kryeministri indian Narendra Modi,
“Unë pres që të punojmë ngushtë së bashku edhe një herë, për të përfituar të dy vendet tona dhe për të formuar një të ardhme më të mirë për botën. Urimet më të mira për një mandat të suksesshëm përpara!”-Kryeministri indian Narendra Modi.
“Ju u tërhoqët nga marrëveshja e rrezikshme bërthamore e Iranit, ju njohët Jerusalemin si kryeqytet të Izraelit, ju transferuat ambasadën amerikane në Jerusalem dhe ju njohët sovranitetin e Izraelit mbi Lartësitë Golan. Kam besim se do të përfundojmë humbjen e boshtit të terrorit të Iranit dhe do të sjellim një epokë të re paqeje dhe prosperiteti për rajonin tonë”, Kryeministri i Izraelit Benjamin Netanyahu.
Discussion about this post