Tritan Kalo jep alarmin për një tjetër sëmundje: Në asnjë rast vetëmjekim

Mjeku i njohur infeksionist, Tritan Kalo, jep alarmin për një tjetër sëmundje, përveç koronavirusit, dhe që cilësohet si “gripi i syrit”. Sipas mjekut kjo sëmundje prek të prek të gjitha moshat dhe në asnjë mënyrë nuk mund të kalohet me vetëmjekim.

“Rreth 6.000.000 individë me Keratokonjunctivitis, paraqiten për ndihmë mjekësorë çdo vit në ShBA….Rreth 40% e rasteve të tyre në tërësi janë me origjinë ALERGJIKE, dhe vërehen më shpesh në fëmijët e moshës para shkollore e shkollore të moshës 4-7 vjeç, por një dukuri e tillë mundet të observohet nga mosha 5 muajshe deri në grup moshat mbi 30 ose 40-vjeçarë….”., shkruan Kalo.

Më tej, në postimin e tij në “Facebook”, mjeku thekson se “Mjekimi standart i një Konjunktiviti apo Keratokonjnktiviti bazohet: në Higjenën e kujdesëshme të fytyrës, si dhe në Trajtimin topik/lokal me antinflamatorë, përzierja antibakteriale dhe kortikosteroide (Tobradex me pika), me pomadat oftalmike me Tobradex, Aciklovir, Doxicyclin, Rifampicin, etj…NË ASNJË RAST VETMJEKIM, por konsultë e menjëhershme me mjekun e familjes dhe atë specialist”, shkruan ai.

Prandaj, Kalo iu bënë thirrje të gjithë qytetarëve të jenë të kujdesshëm dhe të njoftojnë mjekun e familjes sapo të vërejnë simptomat e para.