Është përkeqësuar gjendja shëndetësore e kryepeshkopit Anastas Janullatos, i cili ndodhet i shtruar në spitalin “Evangelismo”, në Athinë.
Sipas mediave greke, shëndeti i kryepeshkopit Anastas është përkeqësuar mëngjesin e sotëm, 24 janar.
Raportohet se kryepeshkopi ka përjetuar dëmtimet të rënë të të organeve dhe se është intubuar.
“Bëhet e ditur se Kryepeshkopi i Shqipërisë Anastas është i intubuar në Njësinë e Kujdesit Intensiv (ICU) të ‘Evangelismos’ pas operacionit që iu nënshtrua pasditen e 10 janarit,”, shkruajnë mediat greke.
Kryepeshkopi ishte i shtruar në spitalin e Tiranës që prej datës 30 dhjetor, pasi ishte sëmurë me grip sezonal, por u pa e nevojshme të transferohej në Athinë për ndihmë më të specializuar, më 3 janar, pasi kishte probleme nga sistemi tretës.
Gjendja e tij shëndetësore është e rënduar si për shkak të historisë së tij mjekësore, por edhe për shkak të moshës.
Discussion about this post