Një tjetër moderatore e RTSH-së bëhet pjesë e BBV, për kë bëhet fjalë

Krisa Çaushi, një prej moderatoreve të njohura të Radio Televizionit Shqiptar (RTSH), do të bëhet pjesë e edicionit të këtij viti të Big Brother VIP Albania. Lajmi është konfirmuar nga burime ekskluzive për Vip Magazine, duke shkaktuar një entuziazëm të madh te fansat e emisionit.

Krisa është një emër i njohur për publikun shqiptar dhe këtë herë do të bëjë hapin e madh duke u bashkuar me “Big Brother”, duke sjellë një dimension të ri në dinamiken e shtëpisë më të njohur në Shqipëri.

Ky është jo i pari rast që një moderator i RTSH-së kalon në këtë format. Edhe Gerta Gixhari dhe Valbona Mhilli janë figura të tjera të njohura nga ekrani i RTSH, që janë bërë pjesë e këtij edicioni të “Big Brother”. Për më tepër, Valbona u largua nga emisioni i mëngjesit për t’u zëvendësuar pikërisht nga Krisa.

Tani, të gjithë sytë janë drejtuar kah Krisa dhe se si do të ndikojë ajo në zhvillimin e ngjarjeve brenda shtëpisë së Big Brother VIP Albania.