Milani është rikthyer te fitoret në Serie A, teksa ka mposhtur Parmën me një rikthim spektakolare 3-2.
Që do të ishte një ndeshje e vështirë për kuqezinjtë u kuptua që në minutën e 24-të, atëherë kur Cancellieri zhbllokoi shifrat për mysafirët, me një goditje fantastike.
Ekipi i Conseicaos u kundërpërgjigj dhe vendosi ekuilibrat me Pulisic, i cili u tregua i saktë nga pika e bardhë e penalltisë.
Parma realizoi golin e dytë me Del Prato në minutat e fundit, i ndihmuar disi edhe nga fati.
Vendasit nuk u dorëzuan dhe gjetën barazimin me Pavlovic me një goditje me kokë, por gëzimi nuk zgjati, pasi goli u anulua për pozicion jashtë loje.
Në të 92-tën, Reijnders ndezi shpresën e Milanit me golin e barazimit 2-2, ndërkohë që në shtesë Chukwueze i siguroi 3 pikët Milanit.
Me këto tre pikë Milani ngrihet në pozitën e gjashtë në tabelë me 34 pikë.
Ndeshjen e radhës Milani e zhvillon përsëri para tifozëve të tyre, ku presin Interin në derbin lokal, ndërsa në anën tjetër Parma pret Leccen.
Discussion about this post