Kreu i grupit parlamentar të PS Niko Peleshi ka replikuar me deputetin demokrat Oerd Bylykbashi në lidhje me mundësimin e votës për shqiptarët në diasporë të cilët nuk kanë dokumente shqiptare.
Bylykbashi u shpreh se për sa kohë shtetasit në fjalë janë lindur nga prindër shqiptarë ata fitojnë shtetësinë shqiptare dhe për rrjedhojë të drejtën e votës.Sipas tij rreth 150 mijë shqiptarë në diasporë preken nga kjo problematikë, ndaj edhe PD kërkon që këta shtetas të lejohen të votojnë.
“Kushdo që lind edhe më një prind shqiptar e fiton vetiu shtetësinë shqiptare. Ne kemi të drejtën e shtetësië nga gjaku, në momentin që lind nga një prind pavarësisht se ke kartonin e qeverisë apo jo je shtetas shqiptar. Ajo që po kërkojmë është që ata të paktën 150 mijë shqiptarë, pyesni kreun e KQZ që janë pa asnjë aplikim për dokumente shqiptarë u mohohet e drejta për të votuar. Ne e kërkojmë me amendament që t’u jepet kjo e drejtë. Të gjithë që janë në listën e zgjedhësve kanë të drejtën e votës dhe kjo qeveri po e bllokon. Amendamenti që tha zoti Peleshi është për teknikalitete”, u shpreh Bylykbashi.
Peleshi nga ana tjetër u shpreh se në total janë 1.7 milionë votues shqiptarë në diasporë, ndërsa votuesit e përmendur nga deputeti i PD nuk përbëjnë as 10% të këtij totali.
Ai shtoi se PS është dakord për përmirësimin e kushteve për 92%-ëshin tjetër.
“Një ushtrim i thjeshtë aritmetik. Janë rreth 1.7 mln votues në diasporë. Ju thoni 150 mijë votues pa dokumente, më pak se 10%. Nëse PS është dakord për 92% të diasporës që të votojë dhe të bëjmë përmirësime si të doni ju, teknikaitete i quani ju. Ndoshta keni merakun se PS është në avantazh edhe në diasporë”, u shpreh Peleshi.
Discussion about this post