Nuk u kthye në burg, arrestohet në Tiranë 32-vjeçari i dënuar me 5 vite burg (Emri)

Kapet dhe ndalohet një 32-vjeçar në kërkim, i dënuar me 5 vjet e 6 muaj burgim, për dy vepra penale.

Fatjon Mersini rezulton i dënuar nga Gjykata e Tiranës me 5 vite burg, për veprën penale “Prodhimi dhe shitja e narkotikëve”, si dhe me 6 vite burg, për veprën penale “Largimi i të burgosurit nga vendi i qëndrimit”.

Njoftimi

Shërbimet e Komisariatit të Policisë Nr. 3, në vijim të punës për kapjen e shtetasve të shpallur në kërkim dhe vënien e tyre para përgjegjësisë ligjore, bazuar dhe në informacionet e siguruara në rrugë operative, organizuan dhe finalizuan operacionin policor të koduar “Catch 1”.

Si rezultat i operacionit, u kap dhe u ndalua shtetasi F. M., 32 vjeç, banues në Tiranë.

Ky shtetas ishte shpallur në kërkim pasi Gjykata e Tiranës e ka dënuar me 5 vjet burgim, për veprën penale “Prodhimi dhe shitja e narkotikëve”, si dhe me 6 muaj burgim, për veprën penale “Largimi i të burgosurit nga vendi i qëndrimit”.

Materialet procedurale i kaluan Prokurorisë, për veprime të mëtejshme.