Pornografia e kudondodhur rezulton një nga faktorët kryesorë të seksualizimit të fëmijëve dhe të sjelljes së tyre në dëm të familjes, prandaj komuniteti duhet të punojë për mbrojtjen nga kjo e keqe që i është imponuar shoqërisë bashkë me teknologjinë e internetit.
Laura Tomsa e bamirësisë australiane Barnardo’s në mbrojtje të fmailjes, thotë se përmbajtjet pornografike kanë pasoja serioze te të rinjtë e fëmijët, në botëkuptimin e tyre për marrëdhëniet, seksin e trupin e tyre.
Këto përmbajtje dëmtuese në rrjet, jo vetëm që nuk kanë filtra e kontrolle për të ndaluar që të shihen nga fëmijët, po shpesh u shfaqen atyre në formën e reklamave apo promovimeve edhe kur nuk dëshirohen.
Laura thotë se shumica e pornografisë në rrjet përmban “dhunë, e abuzim”, ndërsa të rinjtë e të vegjlit që kanë akses në to, marrin një perceptim të shtrembëruar të lidhjeve dhe roleve gjinore.
“Përmbajtjet që normalisht ndalohen në televizion, janë të gjithë të shfaqura lirisht online. Këtu përfshihen seksualizimi i fëmijëve, praktika të dhunshme seksuale, mizori e abuzime, që normalisht ndalohen në rrjetet televizive. Por çfarë dobie ka kjo kur ato gjenden hapur online?”, shton ajo.
“Studimet qeveritare kanë treguar se ka konsensus te gjerë për rolin e dëmshëm të pornografisë, sidomos në situatën aktuale të dhunës ndaj grave e vajzave. Prandaj ne duhet të kërkojmë kontroll të materialit pornografik online sipas standardeve të televizionit”.
Në sondazhet e bamirësisë me prindërit në lidhje me pornografinë në rrjet, pjesmarrësit shpreheshin të shokuar nga përmbajtjet ekstreme që mund të shiheshin nga fëmijët e tyre.
Gjatë anketimit të një grupi prej 20 fëmijësh adoleshentë, një e treta pranuan se kishin parë akte dhune në pornografi, dhe mendonin se seksi në pornografi ishte afër atij të jetës reale.
Duket qartë se sëmundja e pornografisë në rrjet po i jep formë mendjes së adoleshentëve, sjellja e të cilëve sot karakterizohet nga një krizë ekstreme emocionale dhe mungesë vlerash shoqërore e familjare.
Discussion about this post