Ka qëndruar vetëm 6 muaj në detyrë. Ali Mysliu është dorëhequr pasditen e sotme nga funksioni i Prefektit të Qarkut të Elbasanit. Mësohet se shkaku i dorëheqjes është për arsye personale, ndërsa Mysliu u emërua në këtë detyrë në fund të muajit qershor 2024.
Pedagogu i Universitetit “Aleksandër Xhuvani” Ali Mysliu u emërua Prefekt i Qarkut Elbasan nga Kryeministri Edi Rama, pas dorëheqjes nga detyra e prefektes të Majlinda Perriu (Peza).
Në momentin e emërimit në detyrë, Mysliu falënderoi Kryeministrin për vlerësimin e treguar ndaj tij duke i besuar këtë detyrë të rëndësishme, ndërsa premtoi se do bëj më të mirën e mundshme gjatë kohës që do jetë në këtë detyrë.
Discussion about this post