Elseid Hysaj ditën e djeshme u dëmtua në sfidën që Lacio zhvilloi kundër Kaljarit. Në minutën e 61 të sfidës, mbrojtësi i Kombëtares shqiptare u zëvendësua për shkak të një dëmtimi të çuditshëm.
Në momentin që kontrolloi një top të gjatë, mesa duket Hysaj psëoi një tërheqje. Në lidhje me dëmtimin e tij ka folur zëvendës trajneri i skuadrës Italiane. Fabricio Del Roso thekson se nga mënyra se si lojtari doli nga fusha mund të ketë një dëmtim të rëndë, por gjithsesi presin vizitat mjekësore për të mësuar shkallën e dëmtimit.
“Shpresojmë që të mos ketë vuajtur një dëmtim të rëndë, por nga mënyra se si doli nga fusha nuk jemi aspak optimistë. Në ditët e ardhshme do të bëjë disa ekzaminime të tjera dhe më pas do të mësojmë se sa ditë do të qendrojë larg fushave”, ka theskuar pjesëtari i stafit të skuadrës italiane.
Discussion about this post