Prokuroria e Posaçme (SPAK) duket se prioritare ka paditë e një personazhi si Idajet Beqiri ndaj eksponentëve të opozitës për çështje qesharake dhe jo paditë e depoziatauara nga opozita për abuzimet miliona euro të ministrave dhe të kryeministrit.
Një prej padive të cilat i ka hyrë hetimit të thellë nga SPAK ka të bëjë me diplomën e gjimnazit të ish-deputetit Belind Këlliçi. Edhe pse ky i fundit ka përfunduar studimet e larta në “Coppin University” të Shteteve të Bashkuara të Amerikës dhe ka diplomë universitare, Idajet Beqiri pretendon se Këlliçi nuk ka përfunduar vitin e fundit të shkollës së mesme tek “Harry Fultz”, duke falsifikuar diplomën e gjimnazit për të vazhduar më pas studimet e larta.
Pasi SPAK thirri më 26 Dhjetor Belind Këlliçin për të dëshmuar në lidhje me këtë çështje, ditën e sotme ishte radha e nëndrejtoreshës së shkollës private “Harry Fultz”, Brikena Baxhaku për t’u paraqitur në Prokurorinë e Posaçme.
Ajo hyri në SPAK në orën 11:00 dhe doli në orën 12:40. E pyetur nga gazetarët, ajo konfirmoi se kishte dhënë shpjegime për dosjen e Këlliçit, por pa dhënë detaje konkrete.
E duket se pasi përfundoi hetimet paraprake për dosjen e Bardh Spahias, i cili është marrë i pandehur vetëm për faktin se ka shkaruar një drejtor gjatë kohës që ushtronte detyrën e kryebashkiakut të Shkodrës, duket se tashmë prioritet për SPAK-un ka kaluar diploma e gjimanzit të Këlliçit.
Ndërkohë, paditë për Edi Ramën, Belinda Ballukun dhe ministrat e tjerë për abuzimet miliona euro presin në radhë sa i ka zënë pluhuri, duke nisur nga abuzimet me shit-blerjen e ergjisë tek tuneli i Llogarasë.
Discussion about this post