A do të ketë ndëshkim? G Bani dhe Gjesti thyejnë rregullat dhe futen bashkë në tualet

G Bani dhe Gjesti vendosën të futen së bashku në tualet, duke thyer rregullat e Vëllait të Madh.

Ndërsa Gjesti dëgjohet të thotë “Deri në fund”, ata më pas kanë dalë të përqafuar me njëri-tjetrin.

Valbona ka kundërshtuar vendimin e G Banit, duke i kërkuar që të mos e bënte.

Qëllimi i këtij veprimi është që të dalin në nominim ‘kokë më kokë’, por ende nuk dihet vendimi i Vëllait të Madh pas këtij veprimi.

Ky veprim mund t’u kushtojë shtrenjtë dy konkurrentëve, pasi në edicionet e kaluara të spektaklit janë marrë masa të ashpra për raste të ngjashme.

Të gjithë banorët e shtëpisë së famshme janë të vetëdijshëm për rregullin që ndalon dy persona të hyjnë njëkohësisht në tualet, për të ruajtur transparencën dhe për të shmangur biseda të fshehta larg syrit të kamerave.