Vetëvrasja mbetet pista kryesore e hetimeve për ngjarjen e rëndë të ndodhur në Balldre të Lezhës, ku u gjet i vdekur në makinë Romario Brunga.
Sipas grupit hetimor të ngritur nga Drejtoria Vendore e Policisë në Lezhë, nën drejtimin e prokurorisë ngjarja dyshohet se ka ndodhur një ditë më parë (6 shkurt) rreth orës 15:00, ndërsa trupi i pajetë është gjetur nga të afërmit dy orë më vonë.
Kamerat e sigurise kanë konfirmuar se i riu ka dalë nga puna i pa shqetësuar, ka hipur ne makinë vetëm dhe deri në hyrjen e tij tek rruga që e dergon në shtëpi është parë krejt i vetëm dhe shihet që vazhdimisht flet në telefon. Ai ka telefonuar një shokun e tij që i ka thënë se ka një hall të madh, por pa i shpjeguar detaje. Pas këtij momenti, Romario Brunga nuk i është pergjigjur më telefonatës së shokut të tij. Policia ka sekuestruar telefonin për të hapur tabulatet apo për të parë nese ka mesazhe që identifikojnë shkaqet që mund të kenë çuar drejt vetëvrasjes Romario Brungën.
Referuar ekspertizës mjeko-ligjore në trupin e viktimës bëhet me dije se ai marrë një goditje plumbi në kokë, ndërsa arma me të cilën është qëlluar u gjet brenda automjetit të tij, e mbushur.
Ekspertiza paraprake tregon se automjeti nuk ka shenja të dëmtimeve të jashtme, dhe as viktima nuk ka pasur dëmtime të tjera në trup.
Arma pistoletë dhe gëzhoja e gjetur në vendin e ngjarjes, janë dërguar për ekspertim balistik, ndërsa policia po vijon të marrë në pyetje familjarët dhe të njohurit e tij për të zbuluar nëse 25-vjeçari kishte pasur konflikte apo probleme me persona të tjerë.
Romario Brunga ishte martuar në gusht të vitit të kaluar, por vetëm shtatë muaj më pas vendosi t’i jepte fund jetës me një të shtënë arme zjarri, për motive qe vijojnë të mbeten mister.
Discussion about this post