Digjet kati i parë i një hoteli në Sarandë

Kati i parë i një hoteli është djegur në qytetin e Sarandës. Ngjarja ka ndodhur gjatë ditës së sotme.

Policia njoftoi se dyshohet se zjarri ka nisur gjatë saldimit të një vegle pune. Si pasojë e kësaj ngjarjeje janë shkaktuar vetëm dëme materiale.

“Sot, në lagjen “Nr. 4”, dyshohet se gjatë saldimit të një vegle pune nga shtetasi J. K., njëkohësisht pronar i objektit, aksidentalisht ka rënë zjarr dhe si pasojë e përhapjes së flakëve, është djegur pjesërisht kati i parë i hotelit të tij, duke shkaktuar vetëm dëme materiale”, njoftoi policia.

Grupi hetimor po punon për sqarimin e plotë të rrethanave të ngjarjes.