Bashkia e Tiranës, e nisi vitin 2021 duke bërë tendera pa garë dhe me vetëm një konkurrent dhe ashtu e mbylli. Gijotina.com ka denoncuar disa raste, ku bashkia e drejtuar nga Erion Veliaj ka bërë vazhdimisht procedura të tilla.
Kësaj radhe ka të bëjë me tenderin e hapur në datën 9 dhjetor 2021, për blerjen e fishekzjarreve për festat e fundvitit. Ky tender mban numrin e referencës REF-14466-12-07-2021 dhe ka fondin limit prej 2.915.425, ose rreth 30 milionë lekë të vjetra. Në këtë procedurë ka marrë pjesë vetëm një kompani, “ALBAFIRE” SHPK, e cila duke mos pasur asnjë konkurrent, është shpallur automatikisht fituese.
Për këtë edhe “Open Data” e ka cilësuar si tender me risk, duke ngritur flamurin e kuq me mbishkrimin “mungesë konkurrence”. Por duke parë që procedurat me një konkurrent janë “hobi” i tij edhe me tendera që kanë shuma të mëdha, për Veliajn tenderi i fishekzjarreve është i papërfillshëm dhe nuk i është dukur e udhës që të zbatoj garën.
Në vend që këto para të shkonin për të prekurit e pandemisë, tërmetit, madje edhe për familjet në nevojë, Veliaj do t’i shpenzojë në ajër. Nuk na mbetet gjë tjetër, veçse të themi që në 2022-shi e past dorën e leht me menaxhimin e taksave të qytetarëve të Tiranës.
Gijotina.com
Discussion about this post