Max Allegri është zyrtarisht trajner i Juventusit. Bardhezinjtë, pasi njoftuan sot shkarkimin e Andrea Pirlos, njoftuan edhe marrëveshjen me ish-trajnerin e tyre në një mënyrë të veçantë.
Klubi nga Torino ka publikuar hartën e Minnesota, duke e kthyer në një quiz zyrtarizimin e Allegrit. Sigurisht që tifozët nuk e harrojnë anekdotën e treguar nga ish-trajneri i tyre, i cili rikthehet në krye të skuadrës ku fitoi 5 tituj kampion.
Pse harta e Minnesota? Sepse para shumë vitesh Allegri kishte vendosur një bast dhe zgjodhi fitues kalin me emrin Minnesota.
Një shok e kishte ngacmuar atëherë, duke i thënë se më shumë shanse kishte të bëhej trajner i Juves, se sa që kali Minnesota ta fitonte garën. Zyrtarisht Allegri merr për të dytën herën drejtimit e bardhezinjve.
