Kryeministri Edi Rama ka replikuar me qytetarët në rubrikën “Sy më sy”, teksa komentonte arrestimin e kryebashkiakut Erion Veliaj.
Një qytetar e pyet se “çfarë mielli ke marrë, s’ta paskan dhënë të mirë”, duke nënkuptuar se ka konsumuar drogë para se të niste lidhjen direkte.
Rama i drejtohet duke i thënë se droga e tij është një tjetër lloj teksa shton më tej se një njeri anormal i duhet Shqipërisë.
“Të mos më bëjë mua njeri “lule mos prek”, jam njeriu më i sulmuar. Eh mos u bëni komplet qesharakë disa këtu, Çfarë mielli ke marrë, s’ta paskan dhënë të mirë, s’kam nevojë fare për atë, është tjetër droga ime. Nuk e dini ju fare çfarë droge marr unë,. Që i vogël arti dhe më pas beteja politike. këto të tjerat janë muhabete që ata ua thonë mbase i kanë provuar vetë të gjitha.
Pa i mëshuar tavolinës nuk lëvizin gjërat si duhet. Kush nuk i mëshon tavolinës të ikë në punë të vetë. Ishte njëri për garën e Tiranës që thoshte “si mund të votoni Ramën kur është anormal”. Një anormal duhet, s’kam asnjë problem me këtë, i mëshoj tavolinës, që ç’ke me atë punë. Mandati i katërt është themelor për të vendosur emrin “Albania” në tryezë, për të vendosur flamurin atje, Albania i pari në rresht atje”, tha ai.
Discussion about this post