Të shtëna me armë zjarri janë raportuar në Durrës. Burime nga policia për gijotina.com bëjnë me dije se në autostradën Durrës-Tiranë, rreth orës 09:20, në ambientet e një hoteli, në rrethana ende të paqarta, i riu me iniciale F.D, 32 vjeç, banues në Sukth, dyshohet se ka plagosur me armë zjarri pistoletë E.K, 23 vjeçe, banuese në Durrës, e cila ndodhet në spital, jashtë rrezikut për jetën.
Nuk dihen ende motivet e kësaj ngjarjeje të rëndë, ndërsa shërbimet e Policisë pas marrjes së njoftimit po krehin zonën me qëllim kapjen e autorit. Në bashkëpunim me DVP Tiranë dhe Fier janë ngritur pika kontrolli në rrugët nacionale.
Grupi hetimor ndodhet në vendngjarje dhe nën drejtimin e Prokurorisë vijon punën për sqarimin e rrethanave të ngjarjes.
Discussion about this post