Në kërkim nga Italia, arrestohet në Tiranë (Emri)

Është arrestuar këtë të hënë në Tiranë në sajë të operacionit policor “Operacionalja 28” Ilir Zotaj alias Zio Bushi, 44 vjeç.

Ky person është shpallur në kërkim ndërkombëtar pasi më herët është dënuat nga Gjykata e Apelit e Peruxhias në Itali me 5 vite, 6 muaj dhe 17 ditë burgim.

44-vjeçari është shpallur fajtor për veprat penale “Organizata kriminale” dhe “Trafikimi i narkotikëve”, parashikuar nga Kodi Penal i Italisë.

Sipas policisë, ky person dyshohet se ka qenë pjesë e një organizate kriminale që përbëhej nga shtetas shqiptarë, e cila ka organizuar dhe financuar trafikimin e lëndëve narkotike, kryesisht nga Belgjika në Itali.

Gjatë periudhës dhjetor 2008 – mars 2010, janë sekuestruar rreth 10.4 kg lëndë narkotike kokainë e trafikuar nga kjo organizatë, në disa qytete të Italisë, në Belgjikë dhe në Shqipëri.

“Interpol Tirana po bashkëpunon me Interpol Romën, për të finalizuar procedurën e ekstradimit të këtij shtetasi, në Itali”, njoftoi policia.