Ngjarja në Shkodër/ Policia: 34-vjeçari qëlloi të dashurën më pas veten, e reja në gjendje të rëndë (Emrat)

Detaje të reja janë zbuluar ngjarja e rëndë ndodhur në Shkodër, në Lagjen Mark Lula. Sipas njoftimit zyrtar të policisë  ngjarja  e rëndë është shënuar rreth orës 11:15 .

Një djalë ka qëlluar të dashurën në kokë dhe më pas ka qëlluar veten duke ndërruar jetë brenda në makinë, ndërkohë vajza është dërguar në spital në gjëndje të rëndë. Vajza ka një plumb në kokë dhe ndodhet në gjëndje të rëndë në spitalin e Shkodrës, ndërsa djali ka qëlluar veten brenda makinës duke gjetur vdekjen e menjëhershme. Brenda makinës është gjetur dhe arma e krimit.

Viktima është Kole Manaj ndërsa vajza identifikohet si Anila Prenushi. Ata nuk janë banorë të zonës.

Shkodër/Informacion paraprak

Rreth orës 11:15, në lagjen “Mark Lula”, janë gjetur në një automjet, shtetasi K. M., 34 vjeç dhe shtetasja A. P., me plagë të shkaktuara nga armë zjarri.

Shtetasi K. M. ka humbur jetën, ndërsa shtetasja A. P.  është dërguar në spital, në gjendje shumë të rëndë.

Shërbimet e Policisë kanë shkuar menjëherë në vendin e ngjarjes dhe po kryejnë veprimet hetimore për rastin.

Nga veprimet e para rezulton se automjeti nuk ka dëmtime të jashtme të shkaktuara nga armë zjarri. Në brendësi të automjetit është gjetur një armë zjarri pistoletë.

Grupi hetimor, në drejtimin e Prokurorisë, vijon punon për zbardhjen  e rrethanave të ngjarjes.

Të shtëna me armë zjarri në Shkodër, djali qëllon të dashurën e më pas vret veten