Nënkryetari i Partisë Demokratike, Luçiano Boçi, foli sot mbi situatën politike para zgjedhjeve të 11 majit. Ai kritikoi Partinë Socialiste për deklaratat e saj lidhur me regjistrimin e emigrantëve, duke theksuar se Sekretari i Përgjithshëm i PS, Blendi Klosi, kishte zbuluar hapur se socialistët kishin nisur regjistrimin e emigrantëve 5 muaj më herët.
Boçi theksoi se Klosi kishte thënë se PS kishte nisur regjistrimet e emigrantëve prej pesë muajsh, ndërsa theksoi se platforma e Komisionit Qendror të Zgjedhjeve (KQZ), PER, ka nisur punën prej vetëm dy muajsh.
“Regjistrimi ka nisur para dy muajsh, jo pesë muajsh. A kanë shfrytëzuar KQZ? A kanë ditur programin dhe kanë marrë të dhënat? Ky është krim zgjedhor,” deklaroi Boçi.
Ai gjithashtu denoncoi trysninë e ushtruar ndaj mësuesve dhe mjekëve, të cilët sipas tij, detyrohen të sigurojnë emrat e emigrantëve.
“Ku është struktura e SPAK për të luftuar krimin zgjedhor? Krimi zgjedhor nuk bëhet ditën e zgjedhjeve, por para tyre,” përfundoi ai.
Ndërsa theksojm se zyrtarisht regjistrimi ka nisur vetëm dy muaj më parë me platformën e KQZ
Discussion about this post