Ekstradohet nga Gjermania 42 vjeçari Vladimir Kola alias Valmir Kola, i arrestuar në muajin prill të vitit të kaluar pasi ishte shpallur në kërkim ndërkombëtar për një vrasje të ndodhur në vitin 2022.
Gjykata e Shkallës së Parë Tiranë i ka caktuar masën e sigurisë “arrest në burg” 2022 për veprat penale “Vrasja me paramendim” dhe “Prodhimi dhe mbajtja pa leje e armeve, armëve shpërthyese dhe municionit”.
Ky shtetas dyshohet se në bashkëpunim me persona të tjerë, ka vrarë me armë zjarri më 30 Tetor 2022 shtetasin Briken Sanaj.
Vladimir Kola ishte në mesin e personave të kërkuar për këtë ngjarje. Kola dyshohet se ka vepruar i vetëm në këtë ekzekutim ndërsa për krijimin e kushteve është ndihmuar nga dy shtetas nga Kosova.
Konkretisht Kened Antoni i cili rezulton se ka shitur makinën Benz që u përdor në krim tek Gjelosh Krasniqi, dhe më pas e kanë futur atë në Shqipëri për ta përdorur Vladimir Kola.
Shkak i vrasjes së Sanajt dyshohet të jetë bërë gjakmarrja, zanafilla e të cilës nis prej vitit 2012 në Lezhë kur familjari i Vladimirit është plagosur rëndë nga i vëllai Briken Sanajt.
Discussion about this post