Futbollisti shqiptar Myrto Uzuni pritet si hero te Austin. Pas transferimit për 12.3 milionë dollarë nga spanjollët e Granada-s, klubi amerikan prezantoi zyrtarisht sulmuesin shqiptar. Fillimisht firma në kontratë, fotografitë në stadiumin e ekipit nga Teksasi dhe më pas konferenca për shtyp.
“Arsyeja përse zgjodha të vij në Shtetet e Bashkuara lidhet me projektin ambicioz të klubit. Kjo përshtatet me ambiciet e mia dhe mentalitetin për të fituar gjithmonë. I premtoj tifozëve të Ostin se do të jap më të mirën që të shënoj sa më tepër gola dhe të ndihmoj skuadrën të arrijë objektivat. Erdha këtu për të thyer rekorde dhe të shkruaj historinë”, tha Uzuni.
Me këto fjalë, Myrto Uzuni ngriti peshë entuziazmin e tifozëve. Për të përshëndetur yllin e ri të Austin u paraqitën dhjetëra mbështetës, ku natyrisht nuk munguan flamuri kuqezi dhe shalli i Shqipërisë, shkruan A2 CNN.
Në fund, 29-vjeçari shkrepi edhe një foto grupi me tifozë të pranishëm, teksa dha edhe autografe. Kontrata e Uzunit në Major League Soçer është 3-vjeçare, me pagë 1.4 milionë dollarë në sezon, duke përfshirë edhe bonuset.
Discussion about this post