KQZ është e vetëdijshme për dështimin e saj për të siguruar votimin e diasporës në zgjedhjet e 25 prillit 2021, por është besim plotë se objektivi për të mundësuar votimin e tyre ne zgjedhjet e ardhshme mund te realizohet. Në një intervistë për mediat, kreu i KQZ Ilirjan Celibashi zbuloi variantin që sipas tij mund të përmbush kërkesat e palëve në proces.
“Duket që një pjesë e partive politike nuk e pëlqejnë votimin në ambasada, nuk e parapëlqejnë votimin nëpërmjet postes. Unë mendoj që një mënyrë hibride e votimit, duke kombinuar fletën e votimit me sistemin elektronik të dërgimit dhe marrjes së fletës së votimit do ishte mënyra më e përshtatshme“ – u shpreh Celibashi.
Ai gjithashtu thotë se përdorimi i teknologjisë është parë si shtim i elementeve te sigurisë, por kohët fundit kjo fjalë nuk gjen shumë vend në Shqipëri në një kohë që të dhënat personale të qytetarëve dolën sheshit.
“Çdo sistem në vetvete nëse ndërtohet me qëllime të mira së pari dhe nga pikëpamja teknike është ajo që duhet, ofron të gjitha garancitë. Nëse përgjegjësia të cilat institucionet do duhet ti kenë dhe kanë në administrimi të dhënat nuk reflektohen siç kërkon ligji do kemi problematika siç janë bërë publike kohet e fundit” – tha Celibashi.
Sipas tij, koha për realizimin e votës së diasporës është mëse e mjaftueshme për komisionerin Celibashi, e kundërta do ishte njollë për aktorët e përfshirë në proces.
“Nëse për zgjedhjet e ardhshme parlamentare nuk do mundësohet votimi i mërgatës unë mendoj se është dështim spektakolar qoftë i institucionit të KQZ, por edhe partive politike apo dhe institucioneve të tjera që janë apo duhet të angazhohen në këtë proces“ – thotë Celibashi.
Më tej Celibashi apelon instancat shtetërore të mos humbin kohë për regjistrimin e emigrantëve, pasi procesi po ecën me ritme të ngadalta.
Discussion about this post