Flet kreu i Operatorëve Turistik i Sarandës: Më prenë rrugën dhe më goditën me grushte

Kryetari i Shoqatës së Operatorëve Turistik në Sarandë, Arben Çipa është dhunuar nga dy persona.

“Do të tentoj të jem konkret dhe specifik. Biznesi im zhvillohet në një zonë e cila quhet zonë Heremec dhe ndodhem në një fazë ku investoj për infrastrukturën e rrugës shoqëruar me infrastrukturën e energjisë elektrike. Kemi marrë një projekt nga OSHEE për të zhvilluar zonën,. Kjo zonë është pa asnjë ndërtim. Në punim e sipër, personat kanë pretenduar që unë mos të kaloj linjën se i pret pamjen për të ardhmen e tyre.

Nuk kanë asnjë biznes, unë si qytetar që jam nuk i përkas rangut të tyre shoqëror. Përgjigja ime kam thënë nuk mund të ndërhyj unë në projektet e OSHEE, megjithatë një lëshim e kam bërë që të mos kenë probleme në të ardhmen. Në një moment më prenë rrugën, më ofenduan dhe shanë. Reagova në gjuhën e tyre dhe dolën nga automjeti. Kam tentuar të mbrohem, kanë filluar të gjuajnë me shqelma e grushte”,shprehet Çipa.