U arrestua për herë të dytë për dhunë në familje, por këtë herë situata përfundoi më keq për të riun shqiptar në Itali. Mediet italiane raportojnë se një grua, identiteti i të cilës nuk është bërë me dije, u shpëtua në kohë nga efektivët tetorin e kaluar, pasi bashkëjetuesi e saj e dhunoi fizikisht.
Megjithatë, me kalimin e kohës, e reja kishte vendosur që të falte partnerin e saj, me sigurinë se me ndërhyrjen e efektivëve, ai nuk do të ushtronte më dhunë mbi të. Por e kishte gabim! Në muajin dhjetor, vetëm disa muaj pas denoncimit të fundit, shqiptari, gjithashtu i paidentifikuar, ushtroi sërish dhunë mbi të.
Hetuesi i çështjes kishte vendosur një skuadër përgjimi vetëm për të monitoruar sjelljen e shqiptarit, e pikërisht në momentin që ai përsëriti dhunën, karabinierët ishin të gatshëm për të ndërhyrë. Por kësaj here për të nuk kishte më falje. Këtë herë iu hapën dyert e burgut.
Discussion about this post