Trupi i 12-vjeçarit Leo Sadiku, i cili ndërroi jetë më 8 janar në spitalin e Tiranës, është zhvarrosur për t’iu nënshtruar autopsisë.
Procesi u krye nga ekspertët e Institutit të Mjekësisë Ligjore, në prani të prokurorëve të Prokurorisë së Tiranës dhe familjarëve të fëmijës. Mostrat e marra do të analizohen për të përcaktuar shkakun e saktë të vdekjes.
Mjekët e QSUT kishin konkluduar se 12-vjeçari humbi jetën nga miokarditi akut, por familjarët kanë akuzuar mjekët për neglizhencë dhe kanë kërkuar një hetim të plotë. Fillimisht ata kishin refuzuar autopsinë, por me nisjen e hetimeve nga prokuroria, procedura u urdhërua zyrtarisht.
Familjarët e Leos kanë protestuar vazhdimisht, duke kërkuar drejtësi dhe zbardhjen e plotë të rrethanave të vdekjes së tij.
Discussion about this post