Një aksident me viktima ka ndodhur këtë të enjte në Durrës. Nga përplasja e dy automjeteve, një person ka humbur jetën dhe dy të tjerë janë plagosur.
Sipas një rindërtimi paraprak të ngjarjes, automjeti i drejtuar nga Rinor Lami, 37 vjeç, është përplasur me automjetin e drejtuar nga shtetasja Trëndafile Çaushi, 49 vjeçe.
Si pasojë e përplasjes, Rinor Lami ka humbur jetën në vendngjarje, ndërsa shtetasja Trëndafile Çaushi dhe pasagjerja në automjetin që ajo drejtonte, kanë pësuar lëndime dhe janë dërguar në spital për kujdes mjekësor.
“Në lagjen nr. 13, Durrës, në rrugën “Martin Camaj”, automjeti me drejtues shtetasin R. L., 37 vjeç, është përplasur me automjetin me drejtuese shtetasen T. Ç., 49 vjeçe. Si pasojë ka humbur jetën në vendngjarje shtetasi R. L. dhe janë dëmtuar shtetasja T. Ç. dhe pasagjerja në automjetin e saj, shtetasja K. D., të cilat ndodhen në kujdesin e mjekëve”, njoftoi policia.
Grupi hetimor po punon për zbardhjen e rrethanave të aksidentit, shtuan të njëjtat burime, shtuan të njëjtat burime.
Aksidentet Rrugore në 2024
Numri i aksidenteve rrugore ka ardhur në rritje sipas statistikave zyrtare.
Në vitin 2024, numri i aksidenteve rrugore në Shqipëri u rrit me 29.6% krahasuar me vitin e kaluar, raportoi INSTAT.
Në muajin dhjetor 2024, u regjistruan 149 aksidente rrugore, nga të cilat 192 persona u aksidentuan (të vrarë dhe të plagosur). Gjithashtu, gjatë periudhës janar-dhjetor 2024, vdekshmëria në aksidente rrugore ishte 10.5 për 100 aksidente, nga 14.9 që ishte në të njëjtën periudhë të vitit të kaluar.
Discussion about this post