Gazetari Artan Hoxha deklaroi se për Edi Ramën drejtësia amerikane i ka të gjitha letrat, pasi janë dy njerëz të dënuar për gjërat që ka përfituar Edi Rama.
Hoxha ka kujtuar Bilal Shehun, ‘gruan’ e Ramës që është dënuar me burg për një foto të Ramës me Barack Obamës dhe Charles McGonigal, i cili ka marrë 225 mijë dollarë për të goditur opozitën në Shqipëri.
Hoxha tha se, kjo është hera e tretë për Edi Ramën dhe për dosjen McGonigal drejtësia amerikane i ka të gjitha letrat dhe SPAK nuk duhet të vonojë, por duhet të përfundojë hetimin që ka nisur që në vitin 2023 ndaj Edi Ramës, për dosjen amerikane të ‘McGonigal’.
„Rasti i parë. E kujtojnë të gjithë historinë e tetorit 2012, me Bilal Shehun, pronarin e servisit në Nju Xhersi. Rama i ka historitë në Amerikë, në Nju Xhersi.
Atje e mori Bilalin, 80 mijë dollarë Bilali dhe u dënua me burg. Nuk u mor vesh edhe pse u tha se janë fonde të ardhura nga jashtë. Bilali pranoi të bënte burgun, se sa të tregonte paratë dhe në vendimin e gjykatës amerikane nuk u tha në atë kohë, se kush ishte burimi i atyre parave, por u thanë se ishin nga jashtë.
80 mijë dollarë, 40 mijë bënte një ftesë, ishin dy, e qartë se kush ishte përfituesi, dhe Bilali aty nuk hyri me gruan, por me Ramën dhe është e qartë se të kujt janë paratë.
Por gjykatës amerikane i ka interesuar shtetasi amerikan që ka bërë shkeljen dhe e dënuan atë.
Rasti i dytë i Ramës është rasti McGonigal. Edhe kjo histori nis po ashtu në Nju Xhersi. Sepse McGonigali kontakton me personazhin A në këtë histori (Agron Neza) se dhe McGonigal jeton në Nju Xhersi. Edhe këtë herë është e njëjta histori, McGonigali shkoi në burg për 225 mijë dollarë, se kjo është provuar.
Edhe çështjet atje kanë fraksione, nuk është mbyllu ajo, por është vetëm faza e parë. Dhe në të dy rastet përfituesi është Edi Rama. Dhe rasti McGonigal është histori edhe më e rëndë, sepse pozicioni që kishte, si shefi i kundëzbulimit të FBI në Nju Jork, përfshirja direkte në Shqipëri. Nëse Bilali e hëngri për një foto, McGonigali ka qenë këtu.
Sipas hetimeve amerikane, McGonigal rezulton i përfshirë direkt në aktivitet në Shqipëri dhe kush është aktiviteti. Nuk po them heqjen e licencës së kompanisë amerikane, që ka fituar 50 milion euro në Arbitrazh.
Ne e kemi të provuar se me dokumente të marra nga zyra e Ramës, McGonigali nisi një hetim ndaj opozitës në Shqipëri. Dhe kjo është e provuar, e ka provuar drejtësia amerikane. Vetëm sot deklarata e prokurorë në Sarajevë ishte e frikshme. USAID kishte disbursuar atje, 402 milionë dollarë dhe 250 mln dollarë nuk dihej fati i tyre se ku kishin shkuar. Vetëm 152 milion dollarë u dihej adresa, të tjera janë zhdukur.
Në Shqipëri në 4 vitet e fundit USAID ka investuar 198 mln dollarë, gati 45 mln dollarë në vit. Ku kanë shkuar këto para?
Në dy raste të Nju Xhersit, ka shkuar në burg Bilali dhe Charli. Ky është rasti i tretë dhe kam frikë se është shprehja që përdoret në Shqipëri, ‘e treta e vërteta’, sado ta vonojë SPAK të kërkojë letra, se di se çfarë letrash kërkojnë sepse e ka hetuar drejtësia amerikane“, tha ndër të tjera, Artan Hoxha..
Discussion about this post