Një 29-vjeçare ka gjetur vdekjen krejt papritur, gjë që ka lënë pa fjalë familjen. Duke mos pranuar vdekjen e saj dhe duke akuzuar spitalin, familjarët denoncuan mjekët.
E reja, e quajtur Teresa D’Auria, estetiste nga Casoria (Napoli), kishte patur dhimbje barku më 31 dhjetor dhe ishte shoqëruar nga familjarët në spital. Por mjekët e dërguan në shtëpi ditën e Vitit të Ri dhe ajo vdiq më 2 janar.
Dhimbjet e para për Terezën, shkruan “Il Mattino”, kanë qenë në ditën e ndërrimit të viteve, kur familjarët e saj e kanë dërguar në spitalin San Giovanni di Dio ndërsa mjekët e nxorrën të nesërmen.
Por dhimbjet i vazhduan, aq sa gruaja u dërgua përsëri në spital, por tani ishte tepër vonë. 29-vjeçarja ndërroi jetë dhe tashmë familjarët duan të sqarojnë se cilët janë shkaqet. Autoriteti gjyqësor urdhëroi autopsinë e trupit, i cili ndodhet në spitalin San Giuliano di Giugliano.
Discussion about this post