Barcelona ka fituar 4-0 ndaj Real Sociedad, në sfidën e vlefshme për javën e 26-të në La Liga. Në minutën e 16-të, miqtë mbetën me një lojtar më pak. Elustondo, kapiteni i Sociedad, pengon Dani Olmo-n, dhe duke qenë lojtari i fundit, u ndëshkua direkt me karton të kuq.
Pak minuta më pas, Barcelona kaloi në avantazh, pas një super aksioni dhe kombinimi mes Yamal dhe Dani Olmo, ky i fundit asiston për Gerard Martin, i cili dërgon topin në rrjetë.
4 minuta më pas katalanasit gjetën golin e dytë, pasi goditja e Dani Olmo nga jashtë zonës u devijua nga Casado dhe topi përfundoi në rrjetë. Pjesa e parë mbyllet 2-0.
Në minutën e 55-të ishte Ronald Araujo që dërgoi topin me kokë në rrjetë duke i çuar shifrat në 3-0. Pesë minuta më vonë, Lewandowski shënon golin e katërt për katalanasit, goditja e Araujo devijohet nga polaku dhe topi shkon në rrjetë.
Pas kësaj fitoreje dhe hapit fals të Real Madrid ndaj Betis dje, Barcelona kryeson e vetme me 57 pikë. Atletico Madrid ndjek në vend të dytë me 56 pikë, ndërsa Reali i treti me 54 pikë. SHIKO GOLAT
Discussion about this post