Dinamo ka arritur të marrë një fitore të thellë me rezultatin 4-1 në derbin ndaj Tiranës, të luajtur këtë të diel në “Elbasan Arena”, të vlefshëm për javën e 27-të të Kategorisë Superiore.
Bardheblutë e nisën mirë sfidën, ku me ndihmën e VAR arritën të fitonin dhe një penallti në minutën e ’11 të takimit që u shndërruar në gol nga Jarmouni. Por, avantazhi i Tiranës zgjati vetëm pak minuta, pasi Dinamo arriti të barazonte rezultatin pas një autogoli nga Meta.
E teksa fraksioni i parë i lojës ishte i barabarta, pjesa e dytë foli vetëm për dinamovitët, të cilët arritën të shënonin dhe tre herë të tjera me Dejvi Bregun, Lorran dhe Itodo Mandelën.
Pas kësaj fitoreje, Dinamo ngjitet në vendin e dytë me 47 pikë, duke ngushtuar diferencat në vetëm dy pikë me Egnatian kryesuese. Ndërkohë, Tirana renditet në vendin e parafundit me 26 pikë, po aq sa Skënderbeu i vendit të fundit.
Discussion about this post