Qëndroi vetëm pak minuta në SPAK, dhe pas dalje Berisha ka dhënë një deklaratë pë gazetarët. Berisha ka akuzuar qeverinë për mbrojtjen e ish-zyrtarëve të Sigurimit të Shtetit, duke theksuar se ata po ndikojnë në drejtësinë e vendit. Ai ka kritikuar marrëveshjet mes Edi Ramës dhe zyrtarëve të lartë, duke thënë se po mbulojnë hetimet dhe shmangin përgjegjësinë. Sipas tij, ka një lidhje të ngushtë mes politikanëve të tanishëm dhe atyre të periudhës së diktaturës.
“Tani, çfarë gjeta unë aty.
Aty ish-xhelatin e Sigurimit të Shtetit, Arben Kraja që po merrte një strajcë me pare nga Benet Beci dhe po pinin një kafe shtruar.
Pra, një.
Gjeta kurban Etjenin e Fatmir Xhafës, kurban të marrëveshjes Rama-Dumani. Sepse Etjeni e shkeli marrëveshjen sipas të cilës nuk mund të sulmohet më Skapi pa autorizimin e plotë të Edi Ramës.
Marrëveshja është kufizimi, ndalimi i hetimeve për zyrtarët e lartë.
Dhe pasi dështoi në bashkimin e votave me opozitën, pasi u përpoq të tërheqë opozitën në një akt antikushtetues dhe të papërgjegjshëm, u ul nëpërmjet Ulziut dhe firmosi marrëveshjen.
Etjeni kishte mbetur aty, nuk dilte më nga Skapi.
Edhe një gjë, është shumë interesante të lexoni aty ku firmos unë dëshminë që unë erdha, aty thotë procesverbali nuk mund të bëhet asnjë vërejtje.
Dhe unë pastaj bëj një fletë të veçantë ku i them: Prokuroria politike e Edi Ramës, e kukullës së Xhorxh Sorosit, me një krye mercenar Dumanin, është vegël e regjimit të tij dhe patericë e pushtetit të krimit, i cili merr fund me turp më 11 maj të vitit 2025. Ky është mesazhi për Edi Ramën që lashë në tavolinë.
Tani vazhdon.
Ne jemi opozitë dhe për ne, beteja për votën e lirë është beteja e të gjitha Armiq të votës së lirë sot janë ministra, kriminelë të votës së lirë janë ministra dhe mbiministra“, tha ai.
Të pranishëm ishin edhe përfaqësues të tjerë të PD-së, mes tyre edhe Flamur Noka. Në një deklaratë për media duke komentuar rastin e Berishës Noka shprehet se PD sipas tij është drejt fitores dhe asnjë formë nuk e ndalon dot.
Noka: Ju e keni vënë re që Berisha nxjerr vazhdimisht lidhjet kriminale të Taos dhe do vazhdojë të nxjerrë. Cdo lloj forme që përdorim nuk na pengon dot, jemi duke ecur drejt fitores. Transparenca me shqiptarët është detyra e PD-së.
Discussion about this post