Ambasadori i Shqipërisë në Austri, Fate Velaj, përmes një postimi në rrjetet sociale ndau lajmin se lejet e drejtimit të Shqipërisë dhe Kosovës të të gjitha kategorive do të njihen si të barasvlefshme me ato austriake.
Ambasadori Velaj shkroi se ky vendim hyri në fuqi prej datës 1 mars 2025.
“Njoftojmë të gjithë bashkëatdhetarët tanë se, sipas njoftimit zyrtar nga pala austriake, shqiptarët dhe kosovarët mund të qarkullojnë në Austri me patentën e tyre shqiptare ose atë të Kosovës deri në 6 muaj, pa pasur nevojë për ndonjë procedurë shtesë. Për ata që qëndrojnë më gjatë, lejet e drejtimit mund të konvertohen në austriake pa dhënë provimin praktik”, shkruhet në faqen e ambasadës në rrjetet sociale.
Discussion about this post