Ditën e sotme po mbahet seanca e radhës në Gjykatën e Posaçme me dëshmitë e të penduarit të drejtësisë Nuredin Dumani dhe të pandehurit e tjerë të dosjes “Plumbi i Artë”.
Seanca është shoqëruar me replika mes të dënuarve dhe bashkëpunëtorit të drejtësisë, Dumani.
I pyetur në seancë nga avokati Ilia Ilia, Nuredin Dumani ka treguar se si e ka njohur klientin e tij, Agron Qolin, të cilin e akuzon se ka marrë pjesë në vrasjen e shtetases Fatmira Habili (Dedaj), më 14 shtator të vitit 2013 në Durrës.
Avokati: Në çfarë rrethane jeni njohur me Agron Qolin.
Nuredin Dumani: E kam pas komshi dhe pas kemi qenë dhe miq nga viti 2002-2003. Me Agronin kemi pas marrëdhënie shumë të mirë. Agroni punonte në ndërtim. Agroni di që ka qenë ndërtues Enea Prifti. Petrit Qoli e di që ka qenë ndërtues pallati dhe Agroni punëtor.
Agroni rrinte te lokali i Festim Qolit kur ishte në Nishtullë. Me Festimin diskutonim shumë gjëra dhe më tregonte respekt për Agronin. Enea Prifi ka shumë shokë dy vëllezërit Qoli.
Ndërkohë, gjatë seancës ka patur një provokim ndaj Dumanit nga të pandehurit e tjerëm, e cila ka shkaktuar një debat të tensionuar. Kërcënimit të Dumanit i është përgjigjur Enver Diva.
Nuredin Dumani: “Do jua ha unë hallvën të gjithëve, nuk mund të ma hani hallvën ju mua”.
Enver Diva: “Do ta shohim kush do ja haj hallvën njëri-tjetrit, pse gënjen”.
Discussion about this post