Deputetja demokrate, Jorida Tabaku, përmes një postimi në rrjete sociale, ka deklaruar se mbi 800 mijë pensionistë në mëshirë të qeverisë, për shkak të rritjes së çmimeve, që e cilëson problem madhor të ekonomisë.
Duke prezantuar paketën e PD, pikat e së cilës përfshijnë vendosjen e minimumit jetik prej 200€, rritjen e pensionit mesatar në 400€ dhe rritjen e pagës mesatare në 1,200€, ajo tha se prioriteti i tyre është vendosja në plan të parë e interesit qytetar.
Deklarata e Tabakut:
Nuk ka problem më të madh për ekonominë shqiptare sot sesa rritja e çmimeve.
Një rritje e vazhdueshme që vjen si pasojë e taksave të larta, korrupsionit, mungesës së konkurrencës dhe kapjes së gjithë zinxhirit ekonomik, duke krijuar monopole që rëndojnë mbi qytetarët.
Por kush vuan më shumë nga rritja e çmimeve?
Më të prekurit janë pensionistët dhe ata që punojnë ndershmërisht.
Sot, mbi 800 mijë pensionistë në Shqipëri jetojnë në varësi të qeverisë, me një pagesë që shpesh vjen vetëm në prag të zgjedhjeve. Ata nuk kanë një të ardhme të sigurt dhe janë të lënë në mëshirë të politikave të qeverisë.
Por ka një zgjidhje reale!
Pas 11 majit, paketa e Partisë Demokratike nuk do të jetë thjesht një masë emergjence, por një plan i plotë për të përmirësuar jetën e qytetarëve. Në 100 ditët e para, ky plan ka në bazë:
Minimumin jetik prej 200€
Pensionin mesatar prej 400€
Rritjen e pagës mesatare në 1,200€
A janë këto masa të mjaftueshme? A mund të realizohen brenda ditës?
Jo menjëherë, por me vullnet politik, duke vendosur interesin e qytetarëve të parin, mund të ndërtojmë një ekonomi më të drejtë dhe të ndihmojmë shumicën.
Ky është prioriteti!
Ky është plani i Partisë Demokratike!
Discussion about this post