Aksident në Lezhë, autobusi i punonjësve të kampit të Gjadrit përplaset me kamionçinën dhe një makinë

Një aksident ka ndodhur mesditën e sotme në aksin rrugor Lezhë-Shkodër, pranë fshatit Balldren.

Sipas informacioneve nga vendi i ngjarjes, mësohet se në aksident janë përfshirë tre automjete, një autobus, një kamionçinë dhe një veturë.

Deri më tani raportohet për dy të lënduar.

Sikurse mësohet, në autobuz ndodhej stafi i kampit për emigrantët e huaj të Gjadrit.

Në vendin e ngjarjes kanë shkuar forcat e policisë rrugore, ndërsa kanë nisur hetimet për zbardhjen e rrethanave të ngjarjes.

Për shkak të përplasjes, trafiku në këtë segment u bllokua për rreth një orë, duke shkaktuar radhë të gjata automjetesh.