Një ngjarje e rëndë ka ndodhur pak minuta më parë në zonën e Don Boskos, në Tiranë, ku janë dëgjuar shumë të shtëna me armë. Ngjarja është raportuar se ka ndodhur pranë ish fabrikës së këpucëve, ku pas të shtënave janë dëgjuar të bërtitura njerëzish, ndërkohë që policia ka shkuar menjëherë në vendin e ngjarjes.
Uniformat blu kanë rrethuar zonën, ndërkohë që nga të dhënat paraprake mësohet se një person ka humbur jetën, ndërsa tre të tjerë kanë mbetur të plagosur. Viktima, që ende nuk është identifikuar zyrtarisht nga policia ka humbur jetën në spital, ndërsa tre të plagosurit janë në gjendje të rëndë shëndetësore.
Banorët tregojnë se ngjarja ka ndodhur në ambientet e brendshme të një lokali, ku viktima dhe të plagosurit ndodheshin bashkë, por policia ende nuk ka dhënë asnjë njoftim zyrtar mbi këtë krim të rëndë në këtë fillimviti.
Discussion about this post