Kreu i PD-së, Sali Berisha, para mbledhjes së Kryesisë së partisë, është shprehur se Dashnor Sula nuk është përjashtuar nga lista e kandidatëve për deputetë.
“Asnjë gjë të tillë nuk ka. Ai është një njeri i respektuar plotësisht. Nuk mundet kurrsesi që të mbajë një qëndrim, por kjo listë këto mundësi kishte. Nga lista e hapur nuk është përjashtuar ai. Ai ka meritat e veta.
Unë po e marr vesh nga ju. Nuk kam komunikuar me zotin Sula. Nuk e përjashtoj mundësinë që të më ketë dërguar mesazhe se telefoni im ka mijëra mesazhe. Por ajo që mund t’i them se ai është njeri i respektuar.
… Kjo nuk e zhbën procesin e primareve. Mos shkoni në ekstreme. Primaret janë një kriter themelor.
… Këto janë teknika të dëshpëruara. Ju doni të mbuloni emrat e atyre që dolën… Myzyr çfarë kishte sot në dëshmitë e Skapistëve në gjykatë. Shpëtuat ju nga një telefonatë nga Lali Vjedhësi që të shkruani këto e të bëni ato? Më të votuarit janë në lista të sigurta. Disa prej tyre. Por të miratohet lista. Nuk më shkon mua të nxjerr listat tani. Ai deklaron por pastaj mund të ndryshojë mendim,” tha Berisha.
“Unë më shumë po mendoj për qeverinë pas 12 majit. Tani unë po them që po përgatis qeverisjen e ardhshme. Nuk mund të pajtohen të papajtueshmet…,” shtoi Berisha.
Deputeti demokrat Dashnor Sula ka njoftuar sot se nuk do të jetë pjesë e listës së kandidatëve për deputetë të koalicionit të Partisë Demokratike për zgjedhjet e 11 majit. Sipas tij, përjashtimi nga listat ka ardhur si pasojë e qëndrimit të tij në mbështetje të institucioneve të reja të drejtësisë, konkretisht SPAK dhe GJKKO.
Sula, i cili ka përfaqësuar qarkun e Elbasanit në Parlament, tha se e kishte fituar legjitimitetin e tij politik përmes procesit të primareve në PD, ku siç kujtoi, u rendit si më i votuari në qark. Ai shtoi se ka qenë një nga deputetët më aktivë në opozitë, duke denoncuar korrupsionin dhe problematika të ndryshme, si kontrabanda e naftës dhe neglizhimi i bujqësisë.
Discussion about this post