Agron Duka paraqitet në SPAK

Kreu i PAA, Agron Duka, është paraqitur sot në Prokurorinë e Posaçme kundër Korrupsionit dhe Krimit të Organizuar (SPAK).

Ende nuk dihen arsyet e kësaj thirrjeje, ndërsa pritet që në vijim të ketë më shumë detaje mbi këtë zhvillim.

Duka ka qenë një mbështetës i punës së SPAK, duke theksuar rëndësinë e shkëputjes së lidhjeve midis krimit të organizuar dhe politikës. Në një intervistë, ai shprehu shqetësimin se në zgjedhje ka përfshirje të krimit të organizuar dhe bëri thirrje që SPAK të mos merret me çështje ordinere, por të fokusohet në shkëputjen e lidhjeve të krimit me politikën.