Avokat Spartak Ngjela ka reaguar në lidhje me situatën politike në vend dhe sidomos për ndodhitë e fundit në PD. Përmes një postimi në rrjetin social Facebook, ai shkruan se Rama po përpiqet më kot të tremb Berishën duke bërë të duket se Basha është me të, por në fakt Ngjela thotë se Rama dhe Berisha janë të dy të trembur nga Basha. Ndërsa thekson se ky i fundit ka mbështetjen e amerikanëve.
“Ramë ziu po lodhet kot që të mbajë Saliun. Rama po nxjerr njerëzit e tij për të shpjeguar forcën e Bashës, sepse do që të vërtetojë tezën e Saliut që Basha është me Ramën. (!) Si nuk kuptoi një herë nga politika ky piktor me benevrekë? Po forca e Bashës është te Uashingtoni, ku hyn Saliu këtu? Të dy janë të trembur nga Basha: edhe Rama edhe Saliu, sepse politika amerikane po kërkon të fuqizojë Bashën”, shkruan ai.
Më tutje Ngjela shprehet se tashmë do të vij një kohë e re për politikën shqiptare, pa ndërhyrjen e Berishës dhe Ramës që kanë bllokuar vendin për 30 vjet. “Në fakt, kjo përbën në vetvete fillimin e kohës së re: Shqipëria, pa Ramën dhe pa Saliun. Por, kjo do të varet nga qartësia e Bashës: A do të dijë Basha të organizohet dhe të drejtojë sipas forcës dhe me forcën e politikës amerikane, e cila po e përkrah. Këtë muaj do të duket”, shpreh Ngjela, duke theksuar se vetë Berisha e kupton që koha e tij ka mbaruar.
Discussion about this post