Taksapaguesit shqiptarë kanë marrë si dhuratë për Vitin e Ri një tender 250 milionë lekësh. Këtë herë bëhet fjalë për riparimin e tarracës së pallatit të Kongreseve, për të cilin janë planifikuar këto miliona lekë, që edhe në projekte më të mëdha e të rëndësishme do ishin shumë.
Sipas tenderit të publikuar në faqen e Agjencisë së Prokurimit Publik, tarraca e Pallatit të Kongreseve është shpuar nga lagështira dhe në vend që personat përgjegjës të kujdeseshin vazhdimisht për të, e kanë lënë në pas dore dhe tani shpërdorojnë miliona për të mbuluar gabimet e tyre.
Por sikur të mos mjaftonte kjo vlerë marramendëse, e cila do të paguhet nga xhepat e qytetarëve, vendimi për këtë tender është miratuar në ditë pushimi zyrtare, konkretisht me 31 dhjetor të viti 2021. Pra, kjo vërteton që Drejtoria e Shërbimeve Qeveritare, e cila është objekti tenderues, i pëlqen që plane të tilla abuzuese t’i bëj fshehurazi. Në fakt nuk është për t’u çuditur sepse institucionet publike në Shqipëri, përdorin shpesh herë këtë taktik me tenderët për të zhvatur para nga xhepat e qytetarëve. Pra, nuk kishte si të niste ndryshe vitin qeveria jonë, përveç se me skandale me tenderët dhe afera të mëdha korruptive.
Discussion about this post