“Kur të dalim jashtë do ta shohësh Ilirin e vërtetë”, balerini bën deklarata të forta ndaj Monikës

Sonte në spektaklin e “Big Brother VIP” është analizuar debati i javës në shtëpi mes Monikës dhe Ilirit. Në videot që u transmetuan, Iliri e kishte quajtur hipokrite Monikën dhe kjo i kishte reaguar ashpër. Në të njëjtën kohë, Donaldi ka dalë në anën e Monikës dhe pastaj klipet janë komentuar në studio. Monika ka përmendur se Iliri i ka thënë se “kur të dalim nga shtëpia do ta shohësh Ilirin e vërtetë”.

Për këtë, ky i fundit ka reaguar jo lehtë, por ka shpërthyer në deklarata të forta.“Kjo nuk është e vërtetë, është utopi. Unë nuk kam thënë kurrë se do ta shohë Ilirin e vërtetë jashtë në shtëpi. Në fakt, ne do ta shohim Monikën e vërtetë jashtë shtëpisë, sepse unë mendoj se ajo ndryshe sillet në shtëpi, ndryshe do të sillet dhe sillet jashtë saj”, theksoi Iliri në diskutim e sipër.